Эрчүүдийнхээ өмнөөс эрчүүд нь хариулах цаг иржээ. Өмнөх дугаараар бид эрчүүдэд тулгамдаад байж болзошгүй асуудал, чухам юунд зорьж байгаагаа ярьсан маань нэлээд олон хүнд хүрч, санал сэтгэгдэл, асуулт, зөвлөмж, шүүмж цөөнгүй ирсэнд урамшсаныг нуух юун. Энэ удаа бид сонсогчдын илгээсэн олон асуултаас сугалан өөрсдийн бодол санаа, туршлагыг хуваалцав. Тун ч сонирхолтой, тун ч амаргүй асуултуудад чадан ядан хариулсан нь энэ ээ.
ХУРААНГУЙ
02:10. Шинэ форматын туршилт (Асуулт, хариулт)
05:13. Асуулт 1 – Эрэгтэй хүн өөрөөс нь илүү мэдлэг, боловсрол, чадвар, хөрөнгөтэй эмэгтэйчүүд (төмөр хатагтай нар)-д ойртдоггүй гэдэг үнэн үү? Тийм бол яагаад? Үгүй бол яагаад?
12:30. Асуулт 2 – Эрэгтэй хүмүүс ямар насандаа, ихэвчлэн юуны нөлөөгөөр өөрчлөгддөг юм бол?
21:58. Асуулт 3 – Орос Иван шиг жинхэнэ монгол Доржоогийн сайн чанаруудыг нэрлэвэл?
24:40. Асуулт 4 – Охиноо ямар эрэгтэй хүнтэй суугаасай гэж бодож байна?
32:17. Асуулт 5 – Яагаад өвдсөн үедээ эмнэлэгт хандах юм уу шаардлагатай эмчилгээ үйлчилгээ авах дургүй, хөдөлж өгдөггүй юм бол?
36:52. Асуулт 6 – Дэлхий дээр нэг л хүн амьд үлдэх сонголт гарлаа. Гадаад дотоод, эр эм, хөгшин залуу, хүйс харгалзахгүйгээр хэнийг, яагаад сонгох вэ? (Гэр бүлийн хүмүүсээ түр мартаад хариулна уу).
41:38. Асуулт 7 – Та гурав эмэгтэй хүн байсан бол ямар зан чанарыг хамгийн их эрхэмлэх байсан бэ?
43:32. Асуулт 8 – Healthy relationship, self love, being independent, хэн нэгнээс хүлээлтгүй байх гэсэн хувь хүний өсөлтийн чухал асуудлуудын талаар манай эрчүүд ер нь хэр зөв ойлголттой байдаг юм бэ?
53:26. Дүгнэлт
"Эрчүүд хаачив?" подкастаар эрчүүдийн боловсрол, гэр бүлийн харилцаа, хандлага гэх зэрэг сонирхолтой сэдвүүдийг хамран нийт 7 дугаар бичихээр төлөвлөсөн байгаа бөгөөд та бүхний санал сэтгэгдэл маш чухал юм шүү.
Подкаст маань дараах сувгуудаар танд хүрнэ.
Unread Media
А Ами 2020.03.06 94.44.109.98
Хүлээгээд л байна. Дараагийн подкаст хэзээ орох юм болоо? Энэ дугаарын тухайд цаг гаргаад орсоны дараахан нь сонссон. Асуултуудаа өмнө нь өөрсдөө уншиад аль нь давтагдаж байна, бид энэ санааг энэ асуултанд хариулсан хэлж байгаа юм чинь энэ асуултыг орхилоо гэх ч юм уу цэгнэж хандах хэрэгтэй болов уу. Тэгэхээс яриа, мааз байдал нь гоё шүү. Энэ байдалд нь л подкастын үнэн төрх шинж нь оршиж байгаа мэт санагддаг. Амжилт.
H Hi 2020.03.05 202.9.46.73
Dund maazralt yvuulahgvi deep hariulwal zvgeer ym shg sngdlaaa. Mun emegtei hvntei hmt hiivel emegtei hvnii bair suurinaas bs ymr bdgiig haritsuulalt hvel bas sonipholtoi bh bolowuu
B Bebe 2020.03.04 150.129.142.18
Эрчүүд хаачив гэдэг контент чинь гоё байна аа, сэдвүүд ч гоё. Сонирхолтой байна. Гэхдээ манай ярьж байгаа 3 маань өмнөх дугаарт судалгаа дутуу юм уу, эсвэл ярьж байгаадаа нэг л итгэлгүй байх шиг ???? тэгээд энэ дугаар дээр бас эргэж буцаад л үг нь олшроод жаахан залхаагаад байна шүү. Зүгээр санал болгоход сэтгэлзүйч уриад тодорхой хэдэн сэдэв гаргаад ярилцаад үзээрэй. Фэйсбүүк -> Бүх хайраа гэр бүлдээ пэйж хөтөлдөг Бямбатогтох гээд сэтгэлзүйчийг уриач? Олон хүн сонирхож сонсох байх ????????????
W WAVY 2020.02.20 202.179.27.102
Эхний хоёр асуултад хариулж байгааг нь өчигдөр үзсэн. Энгийн 2 асуултан дээр тус бүрийнхээ байр суурийг түс тас гээд л хариулчих юман дээр эргэж буцаад ч байгаа юм шиг, өлгөн салган юм аман дотроо бувтнаад байх юм.
O Oyuka 2020.02.20 163.152.187.27
how cool! asuultuudiig unshihad l ih sonirhol tataj bna! jinhene sonirholtoi sonsuushtai chanartai podcast bolson gedegt itgeltei bna! odoo shuud sonsloo omg can't wait! thank u for the speakers and unread!